We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Grauholz

from Grand Tour by Fitzgerald & Rimini

/

  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      1.55 CHF  or more

     

  • Buy the Full Digital Album

  • Compact Disc (CD) + Digital Album

    Lade das Album "Grand Tour" und erhalte die CD per Post zugeschickt! Der Download enthält nebst "Grand Tour" den Videoclip "Bermondsey", das CD-Cover und Booklet sowie Bonusbilder.

    Includes unlimited streaming of Grand Tour via the free Bandcamp app, plus high-quality download in MP3, FLAC and more.
    ships out within 1 day

      28 CHF or more 

     

lyrics

Dr Winter chuttet
über e Schwarzchopf
u es schneit.
Er ertreits,
hüut sech i Schwige
u i Peuz.
A üser Windschutzschibe
chläbt e Vogudräck
u Schnee. Mir gseh
Chräie düre Outobahnabschnitt
Richtig Bantiger flüge.
Mir bewege üs i däm Fläschehaus
chum vom Fläck.
Im Heck vom Mitsubishi
schlaft ds Gepäck.
Mir si erlüüchtet
vom Armaturebrätt.
Dr Rimini häbt ds Stüür.
Wi lahmi Unghüür
schnaage üs
Laschtwäge imene gfrorne Strom vo Chäre
am Grauhouz entgäge.
I däm Fadechrüz
vo Oscht-Wescht-Nord-Süd
stö mir chli fertig u verlore
zwüsche Walliser,
Zwöuftönner u Pole.
Uf dr Gägefahrbahn schrisst
e Frou e Stei.
Mir stö im Stou
u chöme hei

vo üser
Grand Tour.

Scho dr Gotthard
het üs gschluuchet.
Schritt für Schritt
bissisch vor dran
uf Granit
u kämpfsch di
dür ne mentali Wand,
zrügg i dis
verschuudet-verschonte Land.

Ganz vergäbe
chunnsch o du nid hei.

Drfür wädle
itz d Fahne
vo Ochsner-Schue u Beldona
zur Begrüessig wi ufgregti Hundeschwänz.
Warum schlö üsi Härz so flach
u mache keni Fröidetänz?
Isch ire Grund u Bode o scho gfrore?
Derbi treit ds Shoppyland
hüt für üs e wiissi Chrone.
E ganzi Gwärbzone ligt da
wi es Lego-Gschänkli
i dr Sänki näbe dr A1. U i weiss,
dass ir Eifamiliehuussidlig
Brieftube hinger Gitter hocke
u warte, dass irgendöpper e Nachricht
i ds Usland muess schicke.
U villech schutte dert ufem Fäud
o no grad d Juniore
vo Schönbüu gäge Dürrenascht.
U Rekrute spaziere
vis-à-vis über ds Kasärneareau
u probiere iri Dienschthüng
für irgend e Ärnschtfau z träniere.

Di Rue hie
isch nid gschpiut.

I mim Chopf ghöre i no
ds Ruusche vom Kontinänt.
Im Radio rede si vo Kontingänt.
U i däm Momänt dänke i
a di abegschossne Ross,
wo hie im Grauhouz si gläge,
näbe versprängte Soudate,
wo ires Läbe vergäbe
im tschäggete Schnee hei gla.
U a au di Chräie,
wo nach dr Schlacht es Fäud übersäie.
U a di lääre Blicke
vo Stärbende,
wo sech bim Picke
i dene Chräieouge spiegle.
Schnee gheit im Takt
vo Hundertschtusekunde
u ligt kompakt uf aune.
Tanne neige sech im Wind.
Im Hingergrund
zeige d Aupe
iri chaute Stirne.

U i merke,
dass mini müede Ouge
ir Fahrtrichtig em Blick
vo de Frömde fouge,
wo vo Schönbüu här
gäge d Stadt si zoge.
Dert hei d Herre iri Rügge boge
vor dr Demokratii.
Dr Verchehr chunnt vom Stocke
i ds Roue. Aber es dünkt mi,
das Gfächt sig no nid ganz verbi.
Geng meh Flocke
verdecke dr Asphaut.
Me het toti Bärner
uf toti Franzose gleit.
Hüt seit me im Intercity,
wo dür dä Bode geit,
heigs zweni Platz.
Üse Tank isch läär.
Souverän isch, wär garantiert,
dass nüt passiert.
Dr Rimini fragt:
«Wosch witer aus bis Bärn?»
I säge:
«Für e Momänt si mir gnue gritte.
Chumm mir gö hei uf üsi Site.»

credits

from Grand Tour, released February 13, 2015
Züge im Tunnel unter dem Grauholzwald.
Wind in einem Rohr auf dem Vulkan Krafla.

Ariane von Graffenried: Stimme
Robert Aeberhard: Geräusche
Mik Keusen: Klavier
Jan Galega Brönnimann: Kontrabassklarinette
Nina Thöni: Posaune
Lukas Roos: Klarinette Karin Widmer: Violine

license

all rights reserved

tags

about

Fitzgerald & Rimini image

Fitzgerald & Rimini Bern, Switzerland

Fitzgerald & Rimini bewegen sich seit Jahren an der Schnittstelle von Literatur, Musik und Performance. Das Duo wurde 2005 von der Autorin und Spoken-Word-Poetin Ariane von Graffenried und dem Musiker Robert Aeberhard gegründet und hat seither zahlreiche Bühnen und Musikclubs bespielt. 2011 erschien die CD «Aristokratie und Wahnsinn», 2015 «Grand Tour» im Verlag der gesunde Menschenversand. ... more

contact / help

Contact Fitzgerald & Rimini

Streaming and
Download help

Redeem code

Report this track or account

Fitzgerald & Rimini recommends:

If you like Fitzgerald & Rimini, you may also like:

Bandcamp Daily  your guide to the world of Bandcamp

On Bandcamp Radio

Fabiana Palladino stops by to talk about her mesmeric debut LP.
listen now