We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.
/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      1.55 CHF  or more

     

  • Compact Disc (CD) + Digital Album

    Lade das Album "Grand Tour" und erhalte die CD per Post zugeschickt! Der Download enthält nebst "Grand Tour" den Videoclip "Bermondsey", das CD-Cover und Booklet sowie Bonusbilder.

    Includes unlimited streaming of Grand Tour via the free Bandcamp app, plus high-quality download in MP3, FLAC and more.
    ships out within 1 day

      28 CHF or more 

     

lyrics

Vom Meer här ziets.
E Heli transportiert
e Madonna,
früsch reschtouriert.
Dr Himmu isch graublau,
u drin in hanget d Jungfrou
amene Seili us Stau.
Das Biud isch zimlech surreau
u itz fats o no aafa schneie.
Du nimmsch di Goffer a d Leine
uf dr Suechi nach emene Hotel
ir zwöite Reie.
Chunnsch are 70er-Jahr-Bar verbi.
Am Zapfe steit e verweukti Prinzässin,
di schänkt sech grad e Spumante i,
luegt derbi glängwilet
u herrschelig dri,
so, aus wär ire Père
hie Disco-Chünig gsi.
U itz bättisch du si
chli dür d Schibe a
u wo sech öii Blicke
im Beschlagene chrüze,
da verschiebt sech öppis
i dir drin:
Du hesch vergässe,
dass du
Dräck am Stäcke hesch,
e Frou u Ching.
D Prinzässin grinset überläge,
du lachsch itz chli verläge.
Schnee kippt i Räge.
Du wünschisch dir
es angers Läbe
u es läbeslangs Glück.
Loufsch witer
dür ne Betonschlucht,
verbi ar e Spiusalonflucht.

Im Hotel Nevada
louft Radio Maria.
Es wird bättet,
u d Heizig chlopfet
off-beat.
E Stift steit vor emene Schlüssuchaschte
u schlaft fasch im Sta i.
Dr Bueb brümelet:
«Nume dr sibet Stock isch in Betriib.»
Du nimmsch d Stäge,
wöu dr Lift wot nid.
Es schmöckt nach Tapete
u verdunschtetem Gin.
Du chüüchsch
u fragsch di,
öb di Stimm,
wo du sit guet ere Minute ghörsch,
vo duss chunnt
oder vo dinn.
Oder dinn isch
i dim Gring.
Loufsch dür ne ewig länge Gang.
I däm hange auti Foto
mit Summergescht u Dolce Vita druf
ar Wang.
Du loufsch u loufsch
zu dire Tür
u dräisch dr Knouf,
geisch über d Schweue,
touchsch i d Zäue,
sinksch i d Faue.
Ligsch i däm Näscht
wi e aute Hund
oder wi es Wrack
ufem Grund.
Dini linggi Hand suecht
d Fernbedienig,
di rächti Hand
dr Hosebund,
u d Gwohnheit seit:
«Es geit, es geit,
es geit de scho,
schaut i.»

Es si Wahle.
Du hesch ke Weli.
Uf jedem Sänder louft
politischi Komedi.
So mit haubblutte Tänzerinne.
Dr Tüfu spiut e Schlager,
u sini Tschumple singe,
es gäb bis zletscht no öppis z gwinne.
Schubidu, schubidu.
U itz merksch ersch,
dass di Tschumple
aui gliich usgseh wi du.
U du fragsch di,
öb di Doppugänger
verwandti Seele si
oder maskierti Sänger,
u das roubt dir
schier dr Schnuuf.
Du geisch zum Fänschter
u schrissischs uuf.
Ghörsch ds Meer,
ärnschthafti Wäue.
Wiissi Flocke
schneie ine
u vergheie
ufem Teppich,
wi di erschti Reie
ufem Bode im Chrieg.
Dr Tüfu spiut geng no
uf Tüfu chum use,
aber duss isch stiui Nacht.
Dr Mondschiin löiet
uf dr Küschte
u dire nümm ganz
subere Weschte.
Itz läänsch usem Fänschter,
u scho füeusch di liechter
u fingsch, aus miech dir
nümm viu uus.
Du luegsch
uf di schwarzi Adria.
Uh ja,
di ziet di itz grad
zimlech a,
uh ja,
di zieht di a.
Du bisch nume no haub
i däm Zimmer,
es dünkt di,
du ghörsch no
ds Gwimmer
vom Sensemaa
oder vor e Tänzerin,
wo im Fernseh in
e Misstritt het gmacht
oder es Schlegli het gha.

Itz steisch am Strand.
Im Sand ligt e Roche
tot ufem Trochne
am Ufer im Schnee,
so wids mau imene Fium hesch gseh.
Drnäbe steit d Prinzässin
us dr 70er-Jahr-Bar,
schön u verläbt,
mit nasse Haar.
Si grinset,
du fragsch:

«Säg, bin i no mi?
Oder wär bin i?
Säg, isch es das gsi?»
U itz seit si:
«Es geit verbi,
das isch d Nachsaison
in Rimini.
D Nachsaison
in Rimini.»

U ganz ir Neechi
steit d Madonna wider
im Alberti sire Chile
u e Gängschter
geit vor ire
uf d Chnöi.

credits

from Grand Tour, released February 13, 2015
Ein Helikopter über dem Strand von Rimini.
Ein Abfalleimer am Strand von Rimini.
Abblätternde Farbe in der ehemaligen Radarstation auf dem Teufelsberg in Berlin.
Junioren des AC Rimini im Parco XXV Aprile.
Eine Türe in einem verfallenen Hotel in der Viale Regina Margherita.
Ein Lift in einem Hotel an der Viale Regina Elena.
Eine Grille im Parque Nacional Corcovado.
Ein Telefon in der Sulgenbachstrasse in Bern.

Ariane von Graffenried: Stimme
Robert Aeberhard: Geräusche
Kevin Chesham: Schlagzeug
Simon Rupp: Gitarre
Mik Keusen: Klavier

license

all rights reserved

tags

about

Fitzgerald & Rimini Bern, Switzerland

Fitzgerald & Rimini bewegen sich seit Jahren an der Schnittstelle von Literatur, Musik und Performance. Das Duo wurde 2005 von der Autorin und Spoken-Word-Poetin Ariane von Graffenried und dem Musiker Robert Aeberhard gegründet und hat seither zahlreiche Bühnen und Musikclubs bespielt. 2011 erschien die CD «Aristokratie und Wahnsinn», 2015 «Grand Tour» im Verlag der gesunde Menschenversand. ... more

contact / help

Contact Fitzgerald & Rimini

Streaming and
Download help

Redeem code

Report this track or account

Fitzgerald & Rimini recommends:

If you like Fitzgerald & Rimini, you may also like: